Comunidades Relixiosas

A vida relixiosa, unha lampara encendida.

Irmás Clarisas

As irmás Clarisas viven en Ribadeo desde mediados do século XIV. Son máis de seiscentos cincuenta anos de presenza no medio de nós. Elas compartiron a nosa vida e axudáronnos a construír a nosa historia, como pobo e como comunidade cristiá. No claustro levan unha vida de sinxeleza, de alegría e de paz; un testemuño fermoso que nos anima a todos.

Fillas da Caridade

A comunidade das Fillas da Caridade levan máis dun século entre nós dedicadas a tarefas asistenciais e educativas. Miles e miles de ribadenses e doutros pobos veciños pasaron polas súas aulas e aprenderon con elas o que máis vale na vida, as grandes virtudes cristiás que sempre é preciso salvagardar. Elas souberon transmitirnos os grandes valores de San Vicente e de Santa Luisa.